Neqqar deg inzi "ala abudu i yettimɣuren". Abudu/décharge. Zik yal taddart tessεa abudu/agudu. Imussnawen n zik senfaliyen tutlayt ɣas di timawit, semtitilen di tɣawsiwin ɣer wayen iḍeṛṛun, d wayen ttwalin. Inzan d tenfaliyin, yiss-n i d-ttuεerken akken iwata, am tɣawsiwin yemsel uḥiṭus, neɣ tid yenǧeṛ uneǧaṛ.        

Inna-yas yiwen zik i wayed(d arrac), ttqesiṛen, yiwen d uḥṛic, d bu tcebbuka, slid tikellaxit i yessen, win-a nniḍen d abuneyiw kan. Ihi inṭeq ɣur-s wuhṛic:

— Baba yettal'asawen
Yerra-yas ubuneyiw
— Ala, ur ɣ-yettalas ara
— Aniɣ-ak yettal'asawen hhhhhh — A wellah ma yettalas-aɣ
Armi yeεya wuḥṛic, yesfehem-as
— Nniɣ-ak, baba yettali asawen. I tura tfehmed?
— Tura s tidett gziɣ. Yettali asawen, iḥemmel asawen?
— Ih akka

Mačči sɣur yiwen kan ara nelmed, deg wakud-a anda tegwet tmussni d tussna, iwata ad nili s wagad d tagad yeɣɣaren, yettnadin am tzizwa, yal azeǧig a d-negmer deg-s kra. Am wakken qqaren "ur teẓṛiḍ anda tezdeɣ tmussni", neɣ "ur teẓṛiḍ taɣṛast yeεmeṛ Wuzmir", neɣ "yal azeǧig s riḥa-s". Aṭas n imussnawen d tmussnawin i yellan, ar a d-yettilin. Ad d-irnu Wuzmir rezgg i tmaziɣt.