Tiyita s teylewt ar uzagur, taylewt daxel-is azduz. Yenna-yas win-a ittewten "a yemma ay aεrur-iw!!". Yenna-yas win-a i t-iwten "s teylewt i kin-wteɣ, baṛka ur skerkis ara!" Yenna-yas win-a ittewten "ala win-a yewten d win-a ittewten i yeẓṛan". 

Sɣur, Amar Tafat >

Nnan "iṣuṛdiyen ttegen abrid di lebḥaṛ"

Ziɣ win issεan aṣuṛdi yezmer ad yuɣal d ayen is yehwan, lemmer nessεi aṭas iṣuṛdiyen yili ad nuɣal d amussnaw n imussnawen. Ahya bnayen ur nessε'ara zheṛ!

Sɣur, Amar Tafat •√

Greɣ tamawt deg wayen i d-ddiɣ deg wennar n yidles; llan wid iḥemmlen kan tira; neɣ ad ɣɣren tira; llan wagad iran iḥemmlen ad slen i wawal n umussnaw. Iwata ad ilmed umdan ameslay ɣer wid isṭeṛḍiqen tutlayt, amedya, deg isaragen. Nek seg wigi iḥemmlen tira d wawal n imussnawen. Acku ma triḍ(tḥemmleḍ) tutlayt-ik/im, iwata ad tissineḍ ad temslayeḍ yiss akken iwata. Ulac azgen di tmussni!

Sɣur, Amar Tafat •√

Nek, win iyi cban, yal taɣawsa ttiniɣ-tt-id(qqaren-tt-id) s snat wallen(εinani), ar tmeẓẓuɣt ur ttiniɣ(qqareɣ) i yiwen, aneggaru-ya semmaɣ-as "tixidas ḥesri", neɣ "iḥeckulen". Lemmer nettaga akw akka, yili ulac win neɣ tin ara yeɣlin ticki yeẓweṛ.. Yal wa neɣ ta, yessεa tilelli ar wanda yebɣa yaweḍ, s anda i tessaweḍ tmussni-s ma yezmer ad yuɣal d Socrate awi-d ukan. ■

Sɣur, Amar Tafat •√

Nettu akk abrid n tmesɣara(objectivité) yili d nettat i yessuffuɣen ar yiswi, ama di tutlayt-nneɣ, wala deg idles-is. Llan imdanen yellan d imesɣura(objectifs) deg ufran-nnsen, d imuhal-nnsen, maca tugett jebden kan ɣer yidis-nnsen. Amedya, ak yini yiwen nek d amussnaw, netta ad tafeḍ yeqqar kan "d ibawen-iw i yettewwan", d anmas(subjectif) ur yettaga azal slid i wayla-s, neɣ ayla i t-iqeṛben, ihi ixuṣṣ deg uswir, acku ur yell'ara d amesɣaru, ur yezmir ara ad irfed ureɣ, deg umkan-is, ad irfed arelluc acku d win is ines.

Sɣur, Amar Tafat•√

Ḥemmlaɣ akk medden, ttεuzuɣ uḥdiqen. Acimi ara keṛheɣ medden? ! Ulac win keṛhaɣ, slid win i d-isbanen akṛah-is ɣur-i, ɣef waya d imdanen i nella, mačči d iɣyal.

Sɣur, Amar Tafat √

Yiwwas qqimeɣ nek d yiwen, maca ur yessin ara nek d amedyaz, am akken ḥemmlaɣ idles d laεmer-iw. Ihi yebda yettqeddiṛ deg inaẓuṛen, ulac d acu ur d-irni fell-asen, maca nek meslayeɣ-t yestaεṛef. Ihi nniɣ-as

— Akka iɣ ttkellixen asmi nella d imecṭaḥ, akka i d-tenniḍ, maca tura nemeqqer nessen. Tura nessen ad nesemgired ger wagens d udaynin. Amek argaz yettwassnen(amussnaw), ḥemmlent medden, d irit? ! Tagi ɣas err-itt ar ucwari-inek, anda akken i tt-id-jebded !

Aseḥṛec: qqaren-t zik d tanfalit.

Ak yini yiwen "ma sḥeṛcen-k-id fell-i". Ubayen d tririt i win ttnahaṛen wiyiḍ. Win yebɣan ad iwet alebεaḍ arusrid(mačči srid), as imekken alebεeḍ n mecṭuḥen, neɣ alebεeḍ n ungifen ur nessin ara, as d-ijib uguren i uxṣim-is. Tarrayt-agi(cette methode) zik, qqaren, d imeksawen i tt-iseqdacen.

                              Amar Tafat