Ayla n medden ma nerra-t nneɣ, ugur asmi ara d-nakwi. Ayla-nneɣ ma ur t-nessin ara, amek akken ar as nini? !

                                          Amar Tafat

Sɣur, Amar Tafat

📃

AD TERBEḤ TIGZI

Tajmilt i yat tmussni
Ay itran deg igenni
Llan di yal timura
I kunwi asefru-agi
Meqqer neɣ meẓẓi
Yiwen ur t-ğğiɣ ara
Nessarem ad terbeḥ tigzi¹
Tibbuhelt ad tteɣli
Ad nernu ɣer zdat kra

Eyyaw ad neget tadukli
Kunwi syen nekwni syagi
Ad tt-nessiɣ s tirrugza
Yal cci ad yuɣal d lemri
Ad d-tbin tfidi
Aṭan as d-naf ddwa
Tussna ad tt-nerr d igenni
S wadda i yebɣun yili
Ad iṣeggem tamara
--------------
1- intelligence

Sɣur, Amar Tafat

📋

"Eg-as-d ceḍeb i wasif" akken is yenna Ccix Muḥend.
Anamek : win neɣ tin yettarun s tmaziɣt , in'asen "ad kwen yallel Wuzmir", maca ur sen qqaren ara "awfan akka am nek ara txedmem", acku yal wa, yal ta d akken iweεa yega taɣawsa i tmaziɣt yif win-a ur negi kra, ahat lemmer iweεa, ad yeg ayen ur xedmen medden. Yelha usebɣes, yif(xiṛ) asefcel.

Ma trewleḍ ɣef tmagit-ik (llaṣel-ik) d tutlayt-ik, s ani terriḍ ur tettafeḍ iman-ik din-a, ur tettiliḍ di talwit, ur tettbiniḍ, tzemmred kan ad tedduriḍ agafa, am yisɣi...

                          Sɣur, Amar Tafat

Sɣur, Amar Tafat

D acu i d tamedyezt?

Tamedyezt teqqar-d ayen iɣ yerzan, ur yella kan d ayen aɣ isedhun, tettalles-d tudert icuban ɣer tin-nneɣ. Tessakway-aɣ-d ticki iɣ yewwet yiḍes ameqqran.

Sɣur, Amar Tafat

💼 Wigi ik yeqqaren "nessaweḍ tira s tutlayt n tmaziɣt ɣer tillist-is, iwata a d-ttarun di fasebbuk, a d-gen iblugen, acku ɣur-sen ara ssikden medden. Win ara k yinnin "ulamek!", atan iwwet-it wugur! Uma yettaru umdan yal ass, yessenfali s tutlayt-is, d tin i d tafellaht-is, ula d medden ad amnen yiss d amaru. Amaru, yal tikelt yessεa d acu ara d-yini, amaru am tala, yezga yettazzal wallaɣ-is, d ticcert-is. Ulac zzux di tira maca, d tazmert, d tissugra(compétence).

Sɣur, Amar Tafat

👉

Sɣur, Amar Tafat

Uḥdiq d yiwen n umdan ifehmen, ikeysen. D yiwen umdan ur nessugut ara awal deg yilem; d win yettḥeziben; d win yettqaddaṛen; d win yessɛan rezgg (lxiṛ) deg ul-is d yimi-s d ufus-is. Anemgal n wuḥdiq d ungif.

Amedya

Ar win yellan d uḥdiq, ar win yessεan imenzayen, win ik iselken di tegwnitt n ddiq, ur t-tettuyeḍ ara alama temmuteḍ. Am akken yella d anemgal, ar win ik yegan tawaɣit d uwezɣi! Di sin ad ṭfen amkan deg ul d wallaɣ.

Amedyaz n tallit n 17, amedyaz amezwaru n teqbaylit Yusef-U-Qasi n At Jennad, iwata fell-as usaru

📋📃