29 mars 2022
TAẒẒEYT
Partager cet article
Publicité
Publicité
29 mars 2022
Amennuɣ ur ittfaka
Meskud mazal neǧṛen iεewzen; meskud mazal ssemsaden tiferyin; ur ittfaka umennuɣ; mazal ad nettemyenɣa gar-aneɣ. Yiwwas ad msengaren imdanen gar-asen!
>>
Amar Tafat
Partager cet article
28 mars 2022
Uzzal iεeyyu
Neqqar di tenfalit "ula d uzzal iεeyyu", awal-a zgiɣ selleɣ-as ar tura, ticki yiwen ad iseqsi ameddakel-is, as yini "amenddeṛ liḥala-k?". As d-yerr as yini deg umedya "aqlaɣ neεya", yili argaz yessεa tazmert meqqren. Ihi ameddakel-is as yerr s wawal-a "ula d uzzal iεeyyu ay ameddakel!".
A. Tafat
Partager cet article
28 mars 2022
Wid d tid iɣɣaren
Sɣur, Amar Tafat >>
A WIDEN D TIDEN YEΓΓAREN
Yal amaru yettarun d umedyaz yessefruyen, ḥwaǧen-ten medden akken ad ɣren tiktiwin-nsen. Amek ara d-tili tmussni ma ur neɣri neɣ ur nesli uma d kra n wayen yettaṣkin[ibennun] neɣ kra n ujeṛṛiḍ iwehhan ɣer webrid n yettawin ɣer yimmal d uzekka? Asebter deg ara tafeḍ anagar tira — teẓṛiḍ armi kra yeffer din — d yiwen n wesmil[catégorie]yufraren d win-a i d adlis-ik ay uḥdiq, d asebtar-nni diɣen i d asmil-ik. Nadi, ɣɣer, lmed, imi win yettnadin yettaf ara yeḥwiǧ, ddunnit ur yelli kan d taɣawsa, maca ula d tidmi s wazal-is, neḥwaǧ ad nidir yiss di lεez. I wumi ttarun imassanen d imussnawen deg umaḍal? Ttarun i wagad d taga yessnen, d widen ar ilemden kra n tɣawsa, llan widen yeɣɣaren iḍ d wass, tuɣal-asen tɣuri d tanumi armi ɣɣaren ayen din n yedlisen deg wass yerna s tazzla, anef εad a yaḍṛis aṭuṭaḥ .
Win yessεan affud ɣer tɣuri, yeɣɣar ayen yellan d aḥerfi[simple], neɣ yufa iferren deg wayen yelhan yellan d taɣara[la qualité] d win i d rezgg ameqqran, imi ur yessεi ara aεdez d wefcal deg wallaɣ-is, yuɣal yettaf taɣawsa iḥemmel d wayen yessaram di tmeddurt-is d tudert-is, yettaf igerrujen weḥdes ttakwlen medden fell-asen ur ẓṛin, maca amnadi ulac d acu is ijellun . D aya i ynefεen di ddunnit, i ycebḥen, i yzeddigen, i yettaṣkin tudert yufraren, d aya i ywata ad yeḍfeṛ umdan iḥedqen iran ad yali deg wazal ad yiǧhid weɣrab-is ur yezmir ad yeruri, neɣ aḥerfi ad yizmir a t iheṣṣek.
Seg tama-niḍen amedya nezmer ad t-id-nernu ɣer teqsiṭ—imi tira akken i tt-id-nemsel drus—taɣuri am win yeṭafaṛen inziz[lxiḍ] iǧehdden s waṭas yessεan azal ameqqran, maca ur yelli d inziz n taduṭ neɣ n win lqezz wigi-nni acku, sehlen i usenddeq, maca d inziz m'ur tezmir tmencaṛt d lemqas, ihi nezmer a d nini d inziz n uẓṛef neɣ d inziz n ureɣ.
Partager cet article
27 mars 2022
Acu ara ixdem uɣyul?
"Iwala Wuzmir d acu ara yexdem uɣyul yekkes-as aciwen", akka i qqaren deg inzi n teqbaylit.
Ladɣa s tidett, d ayen walant wallen-iw zik-nni, aɣyul ixeṛfen akken d imi ar iwali aɣyul nniḍen ikes, ad yazzel ɣur-s s ujεu, mi yewweḍ ɣur-s, ad t-yeεnu ar umseččew, ad t-yeṛẓ akk ma yerna-t. Akka i d tawaɣit di tudert n yiɣyal.
Qqaren diɣen "aḥemmel n uɣyul d tikerrac". Mačči yiwet!!
Qqaren diɣen "aḥemmel n uɣyul d tikerrac". Mačči yiwet!!
Amar Tafat
Partager cet article
Publicité
Publicité
27 mars 2022
Tiyita n uzduz di teylut
Sɣur, Amar Tafat
Tiyita s teylewt ar uzagur, taylewt daxel-is azduz. Yenna-yas win-a ittewten "a yemma ay aεrur-iw!!". Yenna-yas win-a i t-iwten "s teylewt i kin-wteɣ, baṛka ur skerkis ara!" Yenna-yas win-a ittewten "ala win-a yewten d win-a ittewten i yeẓṛan".
Ttawin-tt-id akka d taqsiṭ at zik
Partager cet article
27 mars 2022
Nesselmed, nura mazal ar tura
Sɣur, Amar Tafat
Ayagi giɣ-t d ttallelt d wazal i tutlayt-iw d tmagit-iw. Mazal u mazal aqlaɣ nettkemmil
Zik asmi tella ddunnit ɣef iḍaṛṛen-is, mačči ɣef iferrawen-is, deg iseggasen n 80 nqeddec ɣef tmaziɣt amdan s amdan, s tɣawsa deg ufus ar ufus, amedya tisɣunin d iɣmisen i d-itteffɣen imir-nni sɣur kra n imussnawen d ikabaren. Ihi nelemed tutlayt n tmaziɣt, neɣɣar, nsell, armi nejmel. Deg useggas n 90 yufa-yi-d wakud ssnaɣ kra, ɣas akken ur jmileɣ ara. Ar deqqal yennulfa-d umaynut s tidett-is di temdint n Tizi-Wezzu, wagi d Agraw Adelsan Amaziɣ, nudaɣ armi ttekkiɣ ɣur-s, ufiɣ deg-s Arraz n Lmulud At Mεemmeṛ, kkreɣ uriɣ idlisen, serseɣ amenzu, rran-iyi-t-id, serseɣ abrid wiss-sin ungal ABRID N TAFAT, wagi yewwi-d arraz amenzu n Lmulud At Mεemmer, rniɣ wis sin d ammud n tullizin AMUSSNAW, yewwi-d arraz n usebɣes, rniɣ wayeḍ UDEM AMETTAN N TADDART TAZELMAṬ, yewwi-d arraz n usebɣes, adlis n tmedyezt d win i d amezwaru. Agraw diɣen yerna-d Tannant n Iselmaden n tmaziɣt, rniɣ ttekkiɣ di tannant, wwiɣ-d agerdas-inu am nek am iselmaden. Tannant n iselmaden terna-yi-d aṭas n waffud d uswir, d iselmaden imeqqranen uɣur nelmed, d wid yettwassnen nezzeh ur yelli cwiṭ, ad uɣaleɣ ad wen-ten-id sunḍeɣ. Agraw diɣen yessεa tasɣunt IZEN AMAZIΓ, ttaruɣ-d deg-s am imeddukal i d-yettaru deg-s..., am wakken Agraw yettaga-d timliliyin(séminaire) ttekkiɣ deg-sen, slid win-a xedmen di Γerdaya.
I syen akkin, selmadeɣ di dukliwin, di tin n Yusef-U-Qasi, giɣ-d tannant di 94, selmadeɣ deg ulmus n Suq Lḥed di tɣiwant n Timizar, bdiɣ-tt kfiɣ-tt, wwin warrac igerdasen-nnsen. Teɣli-d tannant nniḍen i d-tega Tidukla n iselmaden n tmaziɣt s ufus n Usqamu Ufella n Timuzɣa, di temdint n Tizi-Wezzu, necden-iyi-d slemdeɣ din-a, giɣ-d tirni-w armi d taggara. Uɣaleɣ ar Buxalfa, slemdeɣ deg Wammas n Ussileɣ n Buxalfa, slemdeɣ din-a aseggas, ulac win iyi-yullen, gummaɣ ad kemmleɣ seg uguren, ar deqqal ḥebsaɣ. Deg useggas n 90 ar armi d 95 lliɣ ttaruɣ ɣer Uɣmis Tamurt, uriɣ-d azal n 300 n imagraden. Llan iɣmisen nniḍen ttaruɣ-d deg-sen, Aɣmis Yallas i d-issuffeɣ uɣmis LE SOIR, d nek i d aɣella n usebter n tmaziɣt deg-s, iitεawan-iyi Mass Lhacimi Tuzan. Uɣaleɣ ttagaɣ ula d isaragen akkd tdukliwin tidelsanin.
Ayagi giɣ-t d ttallelt d wazal i tutlayt-iw d tmagit-iw. Mazal u mazal aqlaɣ nettkemmil.
Partager cet article
27 mars 2022
Azul ay imeddukal n ublug/Asenfali
Sarameɣ-awen ussan izmumgen s izmamagen
Partager cet article
27 mars 2022
Idrimen
Sɣur, Amar Tafat >
Nnan "iṣuṛdiyen ttegen abrid di lebḥaṛ"
Ziɣ win issεan aṣuṛdi yezmer ad yuɣal d ayen is yehwan, lemmer nessεi aṭas iṣuṛdiyen yili ad nuɣal d amussnaw n imussnawen. Ahya bnayen ur nessε'ara zheṛ!
Partager cet article
26 mars 2022
Tira d umeslay
Sɣur, Amar Tafat •√
Greɣ tamawt deg wayen i d-ddiɣ deg wennar n yidles; llan wid iḥemmlen kan tira; neɣ ad ɣɣren tira; llan wagad iran iḥemmlen ad slen i wawal n umussnaw. Iwata ad ilmed umdan ameslay ɣer wid isṭeṛḍiqen tutlayt, amedya, deg isaragen. Nek seg wigi iḥemmlen tira d wawal n imussnawen. Acku ma triḍ(tḥemmleḍ) tutlayt-ik/im, iwata ad tissineḍ ad temslayeḍ yiss akken iwata. Ulac azgen di tmussni!
Partager cet article
Publicité
Publicité
/https%3A%2F%2Fprofilepics.canalblog.com%2Fprofilepics%2F1%2F8%2F1803463.jpg)