Kra n isefra n Amar Tafat

YENNA-YAS AMAR TAFAT:

UR NEẒṚI!!

Ur neẓṛi wukud ara neddu
yal wa iheddeṛ seṭṭac

taggara-ya ɛeṛqent-aɣ d ayen
iserreḥ ddɣel d akwessar
neqqim kan deg yiwen umekkan
nessmuqul ɣer tama yessefṛaḥen

leqbayel ssɛan yiwet n tikli telha
Ttnaɣen ɣef nnif d trugza
Tamaziɣt taɣelnawt tunṣibt
Attan tbedd tḥeṛṛit
Rran-as-d iman ineṣliyen
Seg Bulifa ɣer Bennay
ad aɣ-ssurfen widak ur d-nenni
Deg ul ẓẓan am ibawen
Tettkemmil armi d meɣres 80
Lmulud Mεammeri d wegdud aqbayli
Tamaziɣt d amezruy d abrid n tmussni
D aɣerbaz a yelli a mmi
Ur yelli kan d tmesxiṛ

AZUL SEG UL

Wwiɣ abrid la tedduɣ
ttnadiɣ ad awḍeɣ asirem-iw
Γur-i ciṭṭuḥ n tmussni
Ssuffɣeɣtt-id amzun d taḥuskit
Nessarem ad tili deg umezruy
am Mɛemmri d Kateb Yasin
walaɣ ifer n tmeɣrust yerɣan di lexṛif
Yeɣli-d inehher-it waḍu
Bujambeṛ yusa-d s igwefran
Yennayer s wedfel imelles-itt
Tafuk tessaɣ swaḥel d idurar
Azul ɣef umezruy n Cacneq
Azul ɣef imeɣnasen n tmaziɣt
Azul ɣef warem yebrir tmanyin
Azul ɣef imaziɣen n tmazɣa
Tamaziɣt tella iḍelli, am ass-a am zekka!

   YENNAYER

Ansuf s yennayer usɛid
awatay n wemɣid
deg wsegwas d ass amenzu
Yuli-d am waggur n lɛid
yeḍwa tudrin d temdinin
yal aɣmis fell-as iḥekku

Yebda-d di 950 send mass ɛissa
di trennawt n tegrawla
azemz n Ucacneq Amaziɣ

Tameɣra-s tewwi-d iẓid
seksu d uyaziḍ
lwaɛda yega Ucacneq
Tagi d taɣerma n ugellid
isem-is yettali yettzid
amezruy mad a t-yettu
Agdud amaziɣ irfed-it
ɣer igenni yessuli-it
yal uḥdiq yewwi-d asefru

Ayen yellan kan

Ata wul-iw yensis-d
yra a d-yini tawalt-is
asigna yuli-d deg genni
iṭij iεedda d ubrid-is
win yennan tidett iɣullef
as d-εeddin d wanzaren-is
rfed aḍaṛ-ik sers aḍaṛ-ik !!
asefru yurza iḍaṛṛen-is
tikerkas llsant axelxal
yal ta tezuɣer-d arraw-is
ma yewwet-ik zman amcum
a k-yernu ula d ṛṛxis!!

      _____________ 

     Yal wa d amek!

Yal wa iberrek d abrak
Yettarra-tt ɣer wanda ur telli
Fettin wagad ikersen
Snaεmalen ur walan ddreɣlen
Mazal wid yettεabbiden
Mazal wid yeskerkisen
Tif-aɣ ula d Zimbabwi
Zdat wegdud ur ttneḥcamen
Sawalen-d ibennizen
Mazal widen i ten-yettamnen
Ṭafaṛen-ten am izamaren
Ṭamaεen seg-sen
Akken ad bedden yidsen
A ten-id-walin wid yettnezihen
A sen-d-ḍeggṛen ulac deg urawen
Tewerwer, terewrew, tekerker, tebberber
Ar ass-a tug' a ttekker!!

___________________________________

ISEFRA IQBUṚEN D IMAYNUTEN: tamedyazt taqbuṛt d nettat i-ɣ yemmalen iberdan - TASUTA N IMAZIGHEN : Adeg(site) s tutlayt n tmaziɣt, sɣur Amar Tafat

📶Asefru/Tamedyazt/Imedyazen/Amar Tafat/Taẓṛgt tamenzut/ TUZZYA I WEMḌAL: LE TOUR DU MONDE Isefra n teqbaylit iqbuṛen, isefra imaynuten Ansuf s imedyazen, akken ad nedduklet s-umata IZEN AMEẒYAN: Azul fellawen, ansuf yisswen ɣer tmedyazt ay imeddukal, nessarem-awen tazmert d waffud ameqqran deg yimuhal nnwen, nessarem-awen tameddit tameggazt.

http://amaynut.canalblog.com