Azal yessɛa umedyaz Yusef-U-Qasi
Tikkest seg tezrawt uriɣ ɣef umedyaz Yuse-U-Qasi
Sɣur, Amar tafat
D acu i d Yusef U Qasi?
Yella d yiwen n umedyaz amussnaw, yeddren di tallit talemmast yezrin "azal n 2 tmiḍwin d uzgen-aya ɣer dagi", akka i nnan yimɣaṛen-nneɣ. Ma yella d agad yuran fell-as yakan yecban imeqqranen am, dda Lmulud n At Mεemmeṛ, dɣa netta yenna: "Yusef U Qasi yella di tamiḍi n 18, leǧwahi n 1770 i-yewweḍ asuref n Yillew"
Meḥsub send a d-tadef Fṛansa tamurt n Lezzayer, mazal d Aṭeṛkwi i yḥekmen tamurt. Yusef yedder asmi ttnaɣent teqbilin d ttudrin n Leqbayel ɣef izuɣaṛ wagar-asent, akk d Wat Qasi n Temda Leblaḍ yellan d adabu n tallit. Netta imir nni iban-d, am yiṭij ɣef tlufa s tmedyazt-is, d tebɣest-is, d tmussni-s. D yiwen n umedyaz yessefruyen amenddayer ger ifassen-is, ad yewet kra n tikkal fell-as a d-yebru i-tmussni(yaεni, asefru yennumken). D yiwen n umedyaz yessεan aswir di tmussni, acku yessεa iswi s isefra-s, mačči d ameddaḥ kan.
— D yiwen n umdan yessakwayen
— Yessebɣas win yuklalen
— Yettnemmir amussnaw bu truggza
— Isezɣan win iwaεṛen
— Yettεayaṛ amesbaţli d wungif, d win yettdarin.
— Yettaru imeḍṛa(ad naf isefra-s d amezruy s timad-is).
— Yettqaddaṛ taṣṛeṭ d Lawleyya.
— D aselmad deg yegrawen.
Annect-agi s umata ad aɣ-d-ibin di kra n yidlisen n imussnawen yuran ɣef yimedyazen n tmurt n Leqbayel. Asmi i d-tudef Fṛansa ɣer tmurt, yiwen n umussnaw isem-is General Hannotau i d-ijemεen isefra-s netta d kra n imedyazen abḥal: Muḥ Saεid Amlikec, Lḥaǧ Rabaḥ, Muḥ At Lmessεud, d Yusef U Qasi. Daɣen Dda Lmulud di tneggura-agi, yessnerna azal n Yusef d imedyazen-a, yerna-d aṭas nniḍen, deg wedlis-is yura "Isefra n Teqbaylit Iqbuṛen".
______________________________________________________________________
TAZRAWT YURA AMAR TAFAT Ma yella rziɣ a d-ssegziɣ, neɣ a d zerweɣ tamsalt n yiwen n umedyaz ameqqran, neɣ amedyaz amezwaru n teqbaylit, Yusef U Qasi n At Jennad, yella di taggara n tallit n 17, leǧwahi n 1770 di tallit talemmast, akken i t id yewṣef dda Lmulud n At Mɛemmeṛ.
https://idlesblogspotcom-tamussni.blogspot.com